((صاباحلاریمیز))
قارداشیم باخ ؛ئولوب صداقتیمیز
یولداشیم گور؛ سولوب رفاقتیمیز
دیل دوداگدا؛ یالان؛ نئجه یئرآلیب
دویغو لو شعریده ن داها؛ نه قالیب
من بو قانلی شهرده؛ جان وئیرم
دیل دوداگ باغلانیب نیشان وئیرم
ال له ریم هی سیتیم ؛سیتیم ؛اسیری
قوللاریمنان صلابتی کسیری
من اولوم گوز لرینده ؛ گورسه نیرم
مردمین سوزلرینده؛ گورسه نیرم
قانلی دوسلار گلیب ؛ جهان اوزونه
چک دیریبلر نقابی؛ جان اوزونه
فتنه لر هر باخیشدا ؛ بیلله نیری
تانرینین آسیمانی؛ دیلله نیری
جان وئریب حقّیدن دایاگ اولانین
وجدانی گوزله ری اویاگ اولانین
ال له رینّن ئوپور؛ صاباحلاریمیز
قوللاریننان توتور ؛سیلاحلاریمیز
گه ل سلام ائیلیه ک؛ دوشونگه میزه
افتخارائیله سین ؛ شهیدده بیزه
بیر قارا داغ کیمی؛ دایاگلاریمیز
یوللارین گئدرمی؛ آیاگلاریمیز؟
طاقتیم قالمئیب تاپام دوزونو
گوسته رم مردما دوزون ئوزونو
قاندرام بیله لرگره ک اویاناگ
دوزسوزون عشقینده قانه بویاناگ
چخاراخ داغلارا چخاراخ داشا
یئتیرک شهیدین ایشینی باشا
5/3/91
اسدصفائی
عضو شوید
عضویت سریع
آمار مطالب
آمار بازدید
